દેહરાદૂનમાં ઘરની ઝાડીઓમાંથી નીકળ્યો કિંગ કોબ્રા
ન્યુઝડે નેટવર્ક
દેહરાદૂનનાં ભાઉવાલા ગામમાં એક ઘરની ઝાડીઓમાં અચાનક એક વિશાળ કિંગ કોબ્રા દેખાયો ત્યારે ગભરાટ ફેલાઈ ગયો. આ ઘટના ઝાજરા રેન્જની છે. ગ્રામજનોએ સાપ જોતાં જ તાત્કાલિક વન વિભાગને જાણ કરવામાં આવી હતી. રેન્જ ઓફિસર સોનલ પનેરુની આગેવાની હેઠળની ટીમે મુશ્કેલ બચાવ કામગીરી બાદ સાપને કાબૂમાં લીધો હતો. કિંગ કોબ્રા વારંવાર હુમલો કરવાનો પ્રયાસ કરી રહ્યો હતો, પરંતુ સદનસીબે કોઈને ઈજા થઈ ન હતી. આખરે સાપને પકડી લેવામાં આવ્યો અને સુરક્ષિત રીતે જંગલમાં છોડી દેવામાં આવ્યો.
