હરમન કૌર ના નામે ટોસ હારવાનો રેકોર્ડ
ન્યુઝડે નેટવર્ક,
ICC મહિલા ODI વર્લ્ડ કપ 2025 ની ફાઇનલ મેચ – ભારત અને દક્ષિણ આફ્રિકા વચ્ચે રમાશે. નવી મુંબઈમાં સ્ટેડિયમ મેચ D.Y પાટિલ સ્ટેડિયમમાં રમાઈ રહી છે, પરંતુ આ ઐતિહાસિક મેચની શરૂઆતમાં જ ભારતીય કેપ્ટન હરમનપ્રીત કૌરે એક અનિચ્છનીય વિશ્વ રેકોર્ડ બનાવ્યો, જેણે ચાહકોને નિરાશ કર્યા. જેવી જ ભારતની કેપ્ટન હરમનપ્રીત કૌરે હવામાં સિક્કો ઉછાળ્યો અને દક્ષિણ આફ્રિકાએ ટોસ જીત્યો, હરમનપ્રીત કૌરે આ વર્લ્ડ કપ સિઝનમાં સૌથી વધુ ટોસ હારવાનો અનોખો રેકોર્ડ બનાવ્યો.
9માંથી 8 ટોસ ગુમાવ્યા
હરમનપ્રીત કૌરની ખરાબ નસીબનો દોર ચાલુ રહ્યો કારણ કે તેણી ફાઈનલ મેચમાં ટોસ હારી ગઈ હતી. તેઓ આ સમગ્ર વિશ્વ કપ સિઝનમાં રમાયેલી 9 મેચમાંથી 8 વખત ટોસ હાર્યા છે. આ હાર સાથે, ભારતીય ટીમ ઈંગ્લેન્ડના અનિચ્છનીય રેકોર્ડ્સ (1982માં 13માંથી 9 ટોસ હાર્યા) અને અગાઉની ભારતીય ટીમ (1982માં 12માંથી 8 ટોસ હારી)ને પાછળ છોડીને એક વર્લ્ડ કપ સિઝનમાં સૌથી ઓછી મેચોમાં સૌથી વધુ ટોસ હારનારી ટીમ બની ગઈ છે.
એકમાત્ર જીત પણ અનિર્ણિત રહી
આંકડા દર્શાવે છે કે ટોસમાં હરમનપ્રીત કૌરનું નસીબ કેટલું ખરાબ રહ્યું છે. છેલ્લી 11 ODIમાં, તેઓએ માત્ર એક જ વાર ટોસ જીત્યો હતો અને વિડંબના એ છે કે બાંગ્લાદેશ સામેની તે મેચ પણ વરસાદને કારણે ડ્રોમાં સમાપ્ત થઈ હતી.
