૨૦૨૦ દિલ્હી રમખાણો મુદ્દે પોલીસ નો મોટો દાવો
ન્યુઝડે નેટવર્ક,દિલ્હી પોલીસે સુપ્રીમ કોર્ટમાં મોટો દાવો કર્યો છે, પોલીસના જણાવ્યા અનુસાર, 2020ના દિલ્હી રમખાણો અચાનક થયેલી હિંસા ન હતી, પરંતુ તે ‘શાસન પરિવર્તન ઓપરેશન’નો ભાગ હતો, એટલે કે શાસન બદલવાનું સુનિયોજિત કાવતરું હતું. પોલીસે સુપ્રીમ કોર્ટમાં દાખલ કરેલા તેમના સોગંદનામામાં કહ્યું છે કે આ હિંસા નાગરિકતા સંશોધન કાયદા (CAA) ના વિરોધના નામે ભડકાવવામાં આવી હતી, જેથી ભારતની સાર્વભૌમત્વ, શાંતિ અને આંતરરાષ્ટ્રીય છબીને નુકસાન થાય. પોલીસે ઉમર ખાલિદ, શરજીલ ઇમામ, મીરાન હૈદર અને ગુલ્ફિશા ફાતિમા સહિત ઘણા આરોપીઓના જામીનનો સખત વિરોધ કર્યો છે અને કહ્યું છે કે તેઓ “અસહકારથી તપાસ કરી રહ્યા છે” જેથી ટ્રાયલમાં વિલંબ થાય. સોગંદનામામાં કહેવામાં આવ્યું છે કે રમખાણો પાછળનું ષડયંત્ર અમેરિકી રાષ્ટ્રપતિ ડોનાલ્ડ ટ્રમ્પની ભારત મુલાકાત દરમિયાન ઘડવામાં આવ્યું હતું જેથી કરીને વિશ્વનું ધ્યાન ભારત તરફ વાળવામાં આવે. પોલીસે સ્પષ્ટપણે કહ્યું કે ‘આ માત્ર રમખાણ નથી, પરંતુ ભારતની સ્થિરતાને હલાવવાનો પ્રયાસ હતો.’
