સાઉથ સ્ટાર વિજય સેતુપતિ પર કાસ્ટિંગ કાઉચનો આક્ષેપ લાગ્યો
ન્યુઝડે નેટવર્ક
શાહરૂખ ખાનની ‘જવાન’માં વિલનનું પાત્ર ભજવનાર સાઉથ સ્ટાર વિજય સેતુપતિ પર કાસ્ટિંગ કાઉચનો આક્ષેપ લાગ્યો છે. સોશિયલ મીડિયા પ્લેટફોર્મ X પર રામ્યા મોહન નામની એક મહિલાએ લખ્યું- ‘કોલિવુડમાં ડ્ર**ગ્સ અને કાસ્ટિંગ કાઉચ કલ્ચર કોઈ મજાક નથી. હું જે છોકરીને જાણું છું, જે હવે એક જાણીતો ચહેરો છે, તેને આ ગંદકીમાં ધકેલી દેવામાં આવી હતી. આજે તે રિહેબ સેન્ટરમાં છે.
ડ્ર**ગ્સ, માનસિક શોષણ અને વ્યવહારિક શોષણને ‘ઇન્ડસ્ટ્રીના ધોરણ’ કહીને છુપાવવામાં આવે છે. વિજય સેતુપતિએ તેણીને ‘કારવાન ફેવર’ માટે 2 લાખ અને ‘ડ્રાઇવ’ માટે 50 હજાર રૂપિયાની ઓફર કરી હતી અને સોશિયલ મીડિયા પર તે સંત હોવાનો ડોળ કરતો હતો.તે વર્ષો સુધી તેનો ઉપયોગ કરતો રહ્યો. આ ફક્ત એક યુવતીની વાર્તા નથી, આવી ઘણી બધી છે. મીડિયા આ લોકોને ભગવાનની જેમ પૂજે છે. ડ્રગ્સ અને સેક્સનું આ જોડાણ એક વાસ્તવિકતા છે, મજાક નથી.’
